योजना आयोगको आमन्त्रणमा नेपाल आएका विश्वविख्यात प्रा. जेफ्री स्याक्सले आफ्नो २१ घन्टे बसाईका क्रममा चन्द्रागिरी केबल कारबाट हिमालयको अवलोकन, नेपाल सरकारका उच्च अधिकारीहरुसंग अन्तरक्रिया, अर्थमंत्री र पूर्वअर्थमंत्रीहरुसंग भेटघाट, केही प्राज्ञहरुसंग छलफल र एउटा बृहत सार्बजनिक भेलालाई सम्बोधन गर्नुभयो | वहाँका तीन मूल संदेश रहे:
१. विश्व अब दिगो विकासको युगमा प्रवेश गर्यो | राष्ट्र संघीय महासचिवका विशेष सल्लाहकारका रुपमा वहाँले नेपाललाई सहयोग गर्नु हुनेछ |
२. कमसल पूर्वाधार र गतिहीन अर्थतन्त्र राष्ट्रिय सुरक्ष्यासंगै गाँसिएको छ | पूर्वाधारमा नेपाल असाध्यै पछि परेको, यस्तो वातावरणमा लगानी नआउने, र संवृद्ध हुँदै गैरहेका छिमेकीहरुका माझ दरिद्र टापुझैं रहनु सार्वभौम जोखिमको विषय हो |
३. नेपालले १००% स्वच्छ उर्जाको जगमा नौलो विकासपथको कल्पना गर्नसक्छ | खनिज-जन्य मोडल फाल्दै जलविद्युत नै आय, उद्योग, यातायात, शहरीकरणको 'ब्रान्डेड आधार' हुने हो भने नेपालले छिट्टै फड्को मार्न सक्छ |